“Далайчин Папай” хэмээх Мустафын булчин 78 см

Admin

2014/01/06

Манай гариг дээр хамгийн том булчинтай эр Мустафа Исмаил нөхдөөсөө “Далайчин Папаи” хоч авчээ. Египетийн 24 настай энэ эрийн гарын булчингийн диаметр нь 78 см шүү.

Мустафа алдарт Гиннесийн дээд амжилтын номд өнгөрсөн жил хамгийн том булчинтай хүн хэмээн оржээ. Тэр Александрия хотод төрж 2007 онд АНУ-д ирсэн байна.

Хүүхэд байхдаа угаасаа бүдүүн л байж. Одоо тэр АНУ-д эхнэрийн хамт амьдарч байна. “Би бол Гиннесийн номд орсон анхны египет хүн. Эх орон минь ч надаар бахархаж баяр зохион байгуулсан” гэж байна.

Тэр энэ гайхамшигт булчингийнхаа ачаар олон оронд очжээ.

Ер хаана ч гэсэн хүмүүс гудамжинд тааралдаад булчингаа чангалахыг хүсч, жинхэнэ эсэхэд нь эргэлздэг байна.

Гэхдээ бас олон хүн түүнийг хиймэл, булчинтай байх гэж сэрддэг.

Харин “Далайчин Папай” энэ бүхнийг няцаадаг. Тэр 272 кг өргөж чадна. Тэр элдэв ярианаас залхаж булчингаа жинхэнэ гэдгийг нотлохын тулд японы телевизээр ультра авиагаар шинжлүүлсэн гэж байгаа.

Хэдий ийм алдар хүндтэй ч гэлээ тэр Массачусетс мужид Милфордын шатахуун цэнэглэх газарт долоо хоногийн 70 цаг ажилласаар л байна. Чөлөөт цагаараа харин чийрэгжүүлэх танхимд л цагаа өнгөрөөнө.

Түүний гурван цагийн бэлтгэл өглөөнийн 05,00 цагт эхэлнэ. Өсвөр насандаа тэр Арнольд Шварценеггерийн улаан фэн байсан гэдэг.

Хэргийн гол нь их жинтэй байхдаа биш харин зөв техник, хөдөлгөөний эвсэлтэй байж л амжитад хүрнэ. Мустафа өдөрт 3 кг мах, 4 кг нүүрстөрөгч идэж, 11 литр ус уудаг.

Би ингэж хичээллэхээсээ өмнө тарган байсан болохоор футболктой зургаа авхуулахаас ичдэг байлаа. Гэхдээ одоо тэр өөрийн амжилтдаа сэтгэл ханаагүй байгаа шүү. Тэр булчингаа 20 см-ээр ахиулж 101 см хүргэх бодолтой хэвээр.

Бас мөрөө бүр өргөн, илүү их булчинтай болгохыг хүсдэг байна. Үүний тулд өөртөө итгэлтэй байж, бэлтгэл сургуулилт байнга хийх ёстой.

Гэхдээ ямар ч байсан ойрын жилд энэ санаандаа хүрнэ дээ гэж ярьж байна. Харин эцэст нь тэрээр “Би жаахан эв хавгүй харагдаж байна уу, үгүй юу” гэж асуусан.

Сүүлд нэмэгдсэн мэдээ