Н.Энхбаярыг шүүх хурал хойшиллоо

Авилгын хэрэгт холбогдоод буй Монгол Улсын Ерөнхийлөгч асан, МАХН-ын дарга Н.Энхбаярыг шүүх хурал өнөөдөр 10.00 цагаас Сүхбаатар дүүргийн шүүхэд боллоо.

Шүүх хуралд Н.Энхбаяртай хамт шүүгдэх Д.Чулуунбаатар, М.Мягмаржаргал болон өмгөөлөгчид, Н.Энхбаярын өмгөөлөгч О.Баасанхүү, Б.Оюунчимэг нар ирсэн ч МАХН-ын дарга Н.Энхбаяр ирээгүй юм. 

Шүүх хурал нээлттэй болсон бөгөөд Сүхбаатар дүүргийн шүүхийн Ерөнхий шүүгч С.Соёмбо-Эрдэнэ хурлыг даргалж, шүүгчээр С.Оюунчимэг, М.Алдар нар ажиллав. 

Сүхбаатар дүүргийн шүүхээс шүүгдэгч ирээгүй гэсэн үндэслэлээр ирэх зургадугаар сарын 4 хүртэл шүүх хурлыг хойшлуулах шийдвэр гаргалаа.

Сурвалжилсан: Б.Болор