Луун сийлбэртэй BMW

Алтан шаргал өнгөтэй BMW Z4 бол ямар ч хүний харааг булаах сайхан эд. Харин ингээд битүү сийлбэрээр гоёчихоор хэн хүний бэл бэнчин хүрэхээр эд биш болчихож байгаа юм. Луу сийлснээс харвал Хятадын шинэ баячуудад л зориулсан бололтой. Тансаг зэрэглэлийн машинд хорхойсч буйгаараа сүүлийн үед машин үйлдвэрлэгчдийг зах зээл рүүгээ татаж байгаа Хятадын баячууд дунд сарлагийн ясаар их биеийг нь сийлж, зарим хэсгийг нь алтадсан луун сийлбэртэй BMW-г авах хүн нэг биш олдох нь гарцаагүй. Гэхдээ энэ онцгой бүтээлийг худалдах нь эсэх, зарвал хэдээр өгөх нь тодорхойгүй, Гуанжоуд гарч буй Экспорт, импортын үзэсгэлэн яармагийн танхимд үзүүлэнд тавьжээ.