Би 60-тай биш харин 16-тай

Admin

2013/07/01

Английн Ротерхэм хотод амьдардаг Зара Харшорн дөнгөж 16 настай ч липодистрофи гэдэг маш ховор тохиолддог удамшлын өвчтэй болохоор арьс нь үрчийж унжин 60 настай хүн шиг харагддаг. Үүнээсээ болоод олон жилийн турш доромжлуулж гадуурхагдаж явжээ. Харин саяхан түүний зовлонгийн талаар сонссон Америкийн нэгэн мэс засалч түүнд үнэ төлбөргүй гоо сайхны мэс засал хийж өгснөөр асуудлыг шийдэж өгчээ.

Зара олон жилийн турш бусдаас эрс ялгаатай байна гэдэг ямар хэцүү байдгийг биеэрээ амсаж иржээ. Түүнийг хүүхдийн автобусанд суух эрхтэй гэдгээ батлаж чадаагүй гэж удаа дараалан сургуулийн автобус хөөж буулгадаг байж. Мөн найз нартайгаа явж байхад нь хэнийх нь ээж нь вэ гэж лавлан асуудаг байжээ.

Харин одоо хагалгааны ачаар үе тэнгийнхнээсээ бараг ялгагдахгүя болж. Үүний ачаар коллежид элсэн суралцаад, яваандаа гоо сайхны салон нээх төлөвлөгөөтэй байгаа гэнэ. Тэрээр "Одоо намайг гудамжаар явж байхад хүмүүс гайхаж харахаа байсан. Одоо л би өөрийгөө өсвөр насны хүүхэд гэдгийг мэдэрч байна" гэжээ.

Зара нь 22 настай Рики гэдэг залуутай танилцан үерхэх болсон байна.

Зараг 4 настай байхад эмч нар липодистрофи гэдэг онош тавьсан байна. Ээж нь яг ийм өвчтэй хүн бөгөөд өөрөөс нь удамшуулан авсан гэдгийг Зарад тайлбарлаж өгөөд бусдын юу гэж ярихыг битгий тоож бай гэж хэлсэн гэнэ.

Зара "8-10 насны хооронд л хамгийн аймаар байсан. Намайг эмгэн, сармагчин гэж дооглодог, зоддог байлаа. Хүн надаас хэдэн настай вэ гээд асуучих вий гээд яс хавтайдаг байлаа" гэжээ.

"Хэд хэдэн удаа намайг сургуулийн багш гэж андуурч хамт сурдаг хүүхдүүдийн өмнө маш эвгүй байдалд оруулж байлаа"

"Гоо сайхны хагалгаа бол миний мөрөөдөөд ч чаддаггүй байсан гайхамшигтай боломжийг олгосон юм. Би хагалгааны дараа боолтыг аваад толинд өөрийгөө хараад жинхэнэ аз жаргалтай байсан"

"Би юм болно гэж мөрөөдөө ч үгүй байсан. Одоо би сайхан амьдармаар байна. Манайхан надаар бахархдаг байгаасай гэж хүсч байна. Өвчин бүрэн эдгээгүй, өвчнөөс болоод богино наслах байх ч гэдгээ мэдэж байгаа. Ямар ч байсан бид одоо өсвөр насны хүүхэд шиг царайтай болсон. Гэхдээ туулж өнгөрсөн амьдралаасаа болоод би дотроо хэдийн том хүн болсон"

Сүүлд нэмэгдсэн мэдээ