Мангас-машинуудын тулаан

ОХУ-ын нийслэл Москва хотын спортын “Олимпийский” цогцолборт аварга том, Мангас-машинуудын үзүүлбэр тоглолт болжээ. 3,5 метр өндөртэй, 7-8 метр урттай энэ аварга машинууд дунджаар л 4-5 тонн жинтэй. Гэсэн атлаа 10 машин эгнүүлээд тавьчихсан байхад дээгүүр нь харайж чадна гээд бод доо. Ийм машинуудтай “мөргөлдсөн” техник нь гэхэд Оросын “Запорожец”, “Порше” шүү дээ. Ер нь тэднээс юу ч үлдээгүй гэж болно доо, за яахав хавтгай төмөр л үлдсэн байх. Ийм машинууд хотын гудамжаар давхиж явбал яана гэсэн сэтгэл үзэгчдэд төрсөн нь лавтай. Мангас-машинуудын үзүүлбэр дундуур мото спортын оросын аваргууд бас мотоциклын гайхамшигт үзүүлбэр үзүүлсэн байна.