МАХН-ЫН ДАРГА Н.ЭНХБАЯР ЭМЧЛҮҮЛЭХГҮЙ ГЭНЭ

Өчигдөр буюу 5 дугаар сарын 9-ний өдрийн үдээс хойш Прокурорын Ерөнхий Газраас 120 гаруй цаг өлсгөлөн зарлаад байгаа Монгол улсын гурав дах Ерөнхийлөгч Н.Энхбаярыг албадан эмчилгээнд хамруулах шийдвэр гаргасан билээ. Дээрх шийдвэрийг Прокурорын Ерөнхий Газрын прокурор н.Мөнхбат МАХН-ын дарга Н.Энхбаярт танилцуулсан боловч тэрээр эрс эсэргүүцэн өөрийн биед ганц ч тариа, ганц ч эм хэрэглэхгүй гэдгээ албан ёсоор мэдэгдэн тэмцлийн хэлбэрээ үргэлжлүүлэх гэнэ. Ийнхүү II эмнэлэгт хүргүүлсэн тэрбээр эмнэлэгт хуурай өлсгөлөнгөө зарлаад зогсохгүй харин ч эмчилгээ хийлгэх шийдвэрийг сонсоод бие нь улам  хямран дордсон хэмээн түүний Хэвлэлийн Төлөөлөгч мэдээллээ.