Уртын дуучин А.Түмэн-Өлзий фото модел болжээ

Гурав дахь цомгоо гаргасан уртын дуучин А.Түмэн-Өлзий нэг хэсэг фото моделийн чиглэлээр эрчимтэй нь аргагүй ажиллажээ.  Түүний зургийг харсан үзэгч, сонсогчид ч сайн дуу, сайхан бүсгүй хоёрыг зэрэг магтан биширдэг гэнэ шүү.

Фэн залуус нь хүртэл түүнд “Мэргэжлээ буруу сонгосон юм биш үү. Зураг болгоныг чинь харсаар байгаад дурлах нь” гэж сэтгэлээ хуваалцаж, дуучны цахим хуудсанд үлдээжээ. Үнэхээр ч сайхан дуулахаас гадна стиль имижээ өөрчлөх дуртай А.Түмэн-Өлзий “Уртын дуучин гэхээр л манайхан үндэсний дээл хувцастай хүнээр төсөөлдөг. Гэтэл уран бүтээлч хүний хувьд, янз бүрийн хэв маягийг илэрхийлэх боломжтой шүү дээ. Би лав хэвшмэл загварт баригдах дургүй” гэж бодлоо хэлсэн удаатай.