Маргааш Засгийн газар хуралдахгүй

7 хоног бүрийн лхагва гарагт Засгийн газрын ээлжит хуралдаан болдог. Тэгвэл маргааш Засгийн газар хуралдахгүй.

Учир нь, Ерөнхий сайд Л.Оюун-Эрдэнэ болон Засгийн газрын сайд нар Гашуунсухайт-Ганцмод боомтын хил холболтын төмөр замын бүтээн байгуулалтын нээлтийн үйл ажиллагаатай холбоотой юм.
Гашуунсухайт-Ганцмод боомтын хил холболтын төмөр замын бүтээн байгуулалтын нээлтийн үйл ажиллагаа маргааш болох бөгөөд нээлтийн дараа бүтээн байгуулалтын үйл ажиллагаа шууд эхлэх юм байна. Харин Ерөнхий сайд Л.Оюун-Эрдэнэ болон Засгийн газрын гишүүд үргэлжлүүлэн Говийн бүсийн үйл ажиллагаатай танилцах юм байна.

Төлөвлөгөөний дагуу БНХАУ-ын Чайна Энержи компани болон БНХАУ-аас Монгол Улсад суугаа Элчин сайдын яам, Хөгжил шинэтгэлийн хороо зэрэг олон газар хамтран нээлтийн үйл ажиллагааны бэлтгэл хангажээ. Бүтээн байгуулалт эхлэхээс өмнө Гашуунсухайт-Ганцмод боомтын хил дамнасан төмөр замыг холбох хоёр тал өөрсдийн газар нутаг дээрх бүтээн байгуулалтын ажлаа хийсэн байх юм.