НЗДТГ: Унгар руу удирдлагын бүрэлдэхүүн долоон хүн явсан

УИХ-ын гишүүн Ч. Лодойсамбуу Хотын дарга 150 хүний бүрэлдэхүүнтэй Унгарт туршлага судалж яваа гэсэн мэдээллийг өгсөн.

Тэгвэл энэ талаар НЗДТГ-аас дараах тайлбарыг өглөө. “Засаг даргатай нийлээд удирдлагын бүрэлдэхүүн 7 хүн явж байгаа.
Нийтдээ 80 гаруй хүн явсан.
Монгол, Унгар улсын дипломат харилцаа тогтоосны 75 жилийн ойн хүрээнд Улаанбаатарын соёлын өдрүүд арга хэмжээг өнгөрсөн өдрүүдэд зохион байгуулсан. ЖДҮ эрхлэгч, Улаанбаатар чуулгын хамт олон, Улаанбаатар музейн хамт олон, тур компанийн төлөөллүүд явсан. Тур компаниуд зардлаа өөрсдөө гаргасан.
Замынхаа тал хүртэл нисээд талд нь автобусаар явж байгаа. Авч явсан гэр, музейн үзмэрүүд гээд ачаагаа каргод өгч байгаа учраас зардлаа хэмнэх бүх арга хэмжээг авч байна” гэсэн тайлбарыг өгөв.