Н.Учрал: Х.Баттулга гишүүн ээ, танд 7 хоногийн хугацаа өгье, стратегийн ордыг гадны компанид зарсан асуудлаа шийд.

Засгийн газар ээлжит хуралдаанаа хийж өнөөдрийн хэлэлцсэн асуудлаар ЗГХЭГ-ын дарга Н.Учрал мэдээлэл хийлээ. Сүүлийн өдрүүдэд Экс Ерөнхийлөгч Х.Баттулга холбогдоод байгаа Төгрөг нуурын ордын талаар мэдээлэл өглөө. Тэрбээр:

"Төв аймгийн Баян сумын нутагт байх 3.1 тэрбум тонны хүрэн нүүрсний нөөцтэй Төгрөг нуурын орд газрыг ерөнхийлөгч асан Х.Баттулга 250 сая доллараар гадны компанид зарсан нь хөдлөшгүй үнэн. Тиймээс Х.Баттулга гишүүнийг энэ холион бантангаа 7 хоногийн дотор цэгцэлж, ард иргэдэд баялагийг нь буцаан өгөхийг шаардаж байна. Эс тэгвэл хуулийн дагуу Засгийн газар арга хэмжээ авна" гэв.