Сурагчдын бие даалтын 7 хоног энэ сарын 31-нээс, улирлын амралт ирэх сарын 7-ноос эхэлнэ

2024-2025 оны хичээлийн жилийн бүтцийн дагуу нийслэлийн ерөнхий боловсролын сургуулиудад сурагчдын бие даалтын долоо хоног энэ сарын 31-нээс эхэлнэ. Энэ хугацаанд танхимаар хичээллэхгүй бөгөөд музей, үзвэр, спорт, урлагийн зэрэг чөлөөт арга хэмжээг сургуулиуд өөрсдөө сонгон зохион байгуулах учиртай. Үүний дараах долоо хоногт сурагчдын хоёрдугаар улирлын амралт ирэх сарын 7-ноос эхэлж 11-ны өдрийг хүртэл үргэлжлэх юм.

Боловсролын сайд П.Наранбаяр сурагчдын нэг болон хоёрдугаар улирлын амралтыг Даваа гаригт эхлүүлж, Баасан гаригт дуусгахаар тусгасан талаар танилцуулж байв.