Ноорог.мн сайтад хойшлуулшгүй ажиллагаа явуулж, 05:00 хүртэл мэдүүлэг авчээ

Ноорог.мн сайтад өнгөрсөн шөнө хойшлуулшгүй ажиллагаа хийж ажлын хэрэгсэл, хард, утас гэх мэт зүйлсийг хурааж оройны 10:00 цагаас өглөөний 05:00 хүртэл мэдүүлэг авчээ.

Тус сайт үйл ажиллагаагаа явуулахад хүндрэл учирсан тул өнөөдөр 12:30 цагт Цагдаагийн Кибер гэмт хэрэгтэй тэмцэх хэлтсийн гадна хэвлэлийн бага хурал зарласан байна. Цагдаагийн байгууллагаас уг асуудлын талаар удахгүй дэлгэрэнгүй мэдээлэл өгнө гэв.

Ноорог.мн сайтын сэтгүүлч өөрийн цахим хуудаснаа "Монгол улсад иргэнээ шөнө оройн цагаар баривчилдаг, эд хөрөнгө, өмчид нь дураараа халдаж хурааж авч, нэгждэг, гэнэт цагдаж, олон цагаар мэдүүлэг авдаг энэ завхрал бүр хэвийн үзэгдэл боллоо. Ноорог сайтад өнгөрсөн шөнө хойшлуулшгүй ажиллагаа явуулж ажлын хэрэгсэл, хард, утас гэх мэт зүйлсийг хурааж өчигдөр оройн 10 цагаас өнөөдөр өглөөний 5 цаг хүртэл мэдүүлэг авлаа" гэж бичжээ.