Н.Учрал: Автомашины татвар нэмсэн шийдвэрийг эргэж харах чиглэлийг хүргүүлсэн

Засгийн газрын Хэрэг эрхлэх газрын дарга Н.Учрал цаг үеийн асуудлаар сэтгүүлчдэд тайлбар өглөө. Тэрбээр өнгөрсөн долоо хоногийн Засгийн газрын хуралдааны дараа "Татвар, төлбөр нэмэх шийдвэрийг хойшлуулахаар болсон" гэж мэдэгдсэн.

Энэ талаар хэлэхдээ "Нутгийн өөрөө удирдах байгууллага нь ИТХ-аараа татвар нэмэх шийдвэрийг гаргасан. Харин ЗГ-ын шийдвэр гарсан учраас цаашид ийм арга хэмжээ авахгүй, үүнийгээ зогсоо гэдэг чиглэлийг хүргүүлсэн. Тиймээс ИТХ энэ шийдвэрээ эргэж харах шаардлагатай. Гэхдээ шууд чиглэл хүргүүлээд, тухайн шийдвэрийг цуцлуулах боломжгүй" гэлээ.