УИХ-ын хаврын ээлжит чуулган ирэх даваа гаригт нээнэ

Монгол Улсын Их Хурлын 9 дэх удаагийн сонгуулийн үр дүнгээр байгуулагдсан анхны 126 гишүүнтэй парламентын хаврын ээлжит чуулган ирэх даваа гарагт буюу гуравдугаар сарын 17-ны өдөр нээнэ.

УИХ-аас өнгөрсөн нэгдүгээр сард 2025 оны хаврын чуулганаар дараах асуудлыг хэлэлцэхээр баталсан юм.

Энэ хаврын чуулганаар “Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон Бүгд Найрамдах Хятад Ард Улсын Засгийн газар хоорондын хэлэлцээрийг УИХ-д өргөн мэдүүлж хэлэлцүүлэх юм. Мөн зөвшөөрлийн тухай хуульд нэмэлт, өөрчлөлт оруулах тухай хуулийн төсөл зэрэг томоохон хууль, тогтоолын төслүүд хүлээгдэж буй.