Зүүн дөрвөн аймагт гарсан хээрийн түймрийг бүрэн унтраажээ

Онцгой байдлын газраас зүүн дөрвөн аймагт гарсан хээрийн түймрийг бүрэн унтраасан болохыг мэдээллээ. Тодруулбал, Сүхбаатар аймгийн Асгат, Эрдэнэцагаан суманд энэ сарын 09-нд гарсан хээрийн түймэр, 11-нд бүртгэгдсэн Дорнод аймгийн Халхгол суманд гарсан хээрийн түймрийг унтраажээ. Одоогоор түймэрт өртсөн талбай, хохирлыг тогтоохоор холбогдох мэргэжлийн байгууллагууд ажиллаж байгаа юм байна.

Хуурайшилт өндөр хаврын энэ өдрүүдэд ой, хээрийн түймэр гарах эрсдэл өндөр байгаа тул иргэд, малчид сонор сэрэмжтэй байж, галын аюулгүй байдлыг сайтар хангахыг онцгой байдлын газраас сэрэмжлүүллээ.