​Interfax: ОХУ Монголд цөмийн цахилгаан станц барина

Moderator
2023/12/06

Дубай хотноо зохион байгуулагдсан НҮБ-ын Уур амьсгалын асуудлаарх хуралдаан COP28-ийн үеэр ОХУ-ын “Росатом” цөмийн энергийн корпораци манай улсын “Mon-Atom” компанитай Монголд жижиг хэмжээний цөмийн цахилгаан станц барих санамж бичигт гарын үсэг зуржээ.

Росатом болон Монголын Цөмийн энергийн комисс 2023 оны эхэнд Цөмийн шинжлэх ухаан, технологийн төв барих хамтын ажиллагааны санамж бичигт гарын үсэг зурсан билээ.

Мөн “Даян дээрх энержи” ХХК Росатомтой цөмийн, салхи, усан цахилгаан станцын төслүүдэд хамтран ажиллах сонирхолтой байгаагаа илэрхийлээд байсан юм.

“Росатом” дэлхий даяар бага хүчин чадалтай атомын цахилгаан станцын эрэлт хэрэгцээ нэмэгдэж байгааг онцолж, Росатом үргэлж улс орнуудтай хамтран жишиг төслийг хэрэгжүүлэхэд бэлэн байдгаа илэрхийлсэн байна. Үүгээр зогсохгүй тус корпораци Киргиз, Мьянмар зэрэг улсуудтай хамтран ажил яриа хэлэлцээр хийж байгаа аж.


Эх сурвалж: Interfax


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна