Өмнөговьчууд нүүрсний сонсголоос биш Д.Бат-Эрдэнээс айж байгаа юм биш үү

Он дамнан яригдаж буй, удаан настай нүүрсний хэргийн сонсгол төрийн ордонд эхэлж, тус сонсголд жижиг таван толгойтой нэр холбогддог УИХ-ын гишүүн Д.Бат-Эрдэнэ өөрийн биеэр оролцож байна.

Д.Бат-Эрдэнэ нь “Тавантолгой” ХХК-ийн ТУЗ-ын даргаар 2009-2011 онд ажиллаж байсан. Тухайн үед ТУЗ-ийн дарга, гүйцэтгэх захирлыг томилох асуудлыг 51 хувийн хувьцаа эзэмшигч Өмнөговь аймгийн ИТХ шийдвэрлэх ёстой байсан ч хэдий ч 49 хувийн хувьцаа эзэмшигч тал шийдэж ТУЗ-ын даргыг томилсон гэх асуудал яригдаж байна.

Үүгээр зогсохгүй 2009 оны 1-р сард Өмнөговь аймгийн Засаг даргын орон тооны бус зөвлөх, Тавантолгой ХК-ийн жижиг хувьцаа эзэмшигч байсан Д.Бат-Эрдэнийг хувь нийлүүлэгчийн хуралдаанд орон нутгийн өмчийн төлөөлөгчөөр томилсон нь холбогдох хуулийг зөрчсөн байна баримтуудыг танилцууллаа.

Мөн түүнчлэн УИХ-ын гишүүн Д.Бат-Эрдэнийн “Тавантолгой” ХХК-д ажиллаж байх үеийн архивын бичиг баримт хамгийн их дутуу байгааг Түр хорооны дарга Н.Энхбаяр хүртэл онцолж байсан юм.

Харин Д.Бат-Эрдэнэ гишүүн “Өмнөговьчууд бүгдээрээ миний ах дүү нар, надаас зөвлөгөө авдаг. Намайг ингэж гүтгэж байгаад өмнөговьчууд миний өмнөөс айдастай байна” гэх тайлбар хэлж байв.

Нөгөө талаар “Тавантолгой” ХХК-ийн ТУЗ-ын дарга, гүйцэтгэх захирлаар яагаад өөрийгөө өмнөговьчуудын зөвлөгч гэж цоллоод сууж байгаа  Д.Бат-Эрдэнэ гэх хүний  үеэл, хамаарал бүхий хүмүүс яагаад томилогдчихдог юм бэ гэх асуулт ч байсан юм.