Б.Хонгор өнөөдөр хуримлана


Монголын эстрад урлагийн анхдагчдын нэг цээл хоолойт дуучин Баяраа агсны хүү Хонгор аавынхаа тэрхүү сайхан хоолойг өвлөн урлагт хөл тавьсаар хэдийнэ 10 гаруй жил болжээ. Хүүхэд байхаасаа л тайзтай амьдралаа холбосон тэрбээр 23 дугаар сургуулийн хятад хэлний ангийг төгсөн өөрийн гэсэн чамгүй хэдэн цомгийг гарган олны хүртээл болгосон юм.  

Аавынхаа олонд танигдсан хит дуунуудыг түүвэрлэн дуулсан тэрбээр сүүлийн үед шинэ уран бүтээлээ дэлгэхээр зэхээд байгаа гэнэ. 


Урд хөршид боловсролоо дээшлүүлэн, өөрийн гэсэн бизнесээ эхлүүлсэн тэрбээр сүүлийн хэдэн жил үерхсэн бүсгүйтэйгээ өнөөдөр хуримлахаар хуримын тов зарлажээ. 


Б.Хонгор “MCS” группийн харьяа "Sky resort" цанын баазын захирал н.Батсуурийн охин Б.Анарыг гэргийгээ болгохоор сүй тавьсан бөгөөд тэдний хурим "Sky resort"-д өнөөдөр 17.00 цагт болох юм байна. Залуу хосдоо аз жаргал хүсье.