paparazzi.mn
У.Хүрэлсүх : Төрийн сонгууль хуулийн хугацаандаа шударга болно гэдэгт итгэлтэй байна
7
2020/03/25

Ерөнхий сайд, МАН-ын дарга У.Хүрэлсүх  Бага хурлаа хааж хэлсэн үгэндээ 2020 онд тус намаас нэр дэвшүүлэх гурван шалгуурыг нэрлэжээ. Үүнд:

-Нэгдүгээрт, ёс зүйтэй хүнийг нэр дэвшүүлнэ. Эх орноо худалдахгүй, ард түмнээсээ урвахгүй, улсаасаа хулгай хийхгүй хүмүүсийг нэр дэвшүүлнэ.

-Хоёрдугаарт, итгэлтэй хүнийг нэр дэвшүүлнэ. Улстөрд баг болж тоглоход итгэл хамгийн чухал. Сонгуулиар бид багийн тоглолт хийнэ. Хөлбөмбөг, сагсан бөмбөгийн спортод багийн бүх гишүүн зэрэг талбайд гарч тоглодоггүй. Тэрэнтэй адил бидний зарим нөхөд маань энэ сонгуулиар талбайд гарахгүй, сэлгээнд сууж таарна. Багийн спортод ялсны дараа бол харин талбайд гарсан, сэлгээнд суусан бүх тамирчид медалийн тавцанд зогсдог. Тэрэнтэй адил МАН яллаа гэхэд үр дүнг нь улсаараа хүртэнэ. Тэрхүү улс дотроо МАН-ын бүх гишүүд багтана. Манай нам бол хүнээр дутдаг нам биш шүү. Манай нам бол итгэлээр л дутдаг юм.

-Гуравдугаарт, ажил, амьдралын туршлагатай хүнийг нэр дэвшүүлнэ. Өнөөдөр Монголд байгаа улс төрийн намууд дотроос ажил, амьдралын туршлагатай нь ганц МАН. Тийм учраас ард түмэн манай намыг "Ах нам” гэдэг. Өнөөдөр бид Бага хурлаа цахимаар хийгээд сонгуульд дангаараа оролцоно, ачааг дангаараа үүрнэ, хожмын хариуцлагыг дангаараа хүлээнэ, хэнтэй ч хуваалцахгүй гэж шийдэж байна гэдэг бол манай нам үнэхээр "Ах нам” болохын нэг шинж. Бид ард түмнийхээ нэрлэсэнээр "Ах нам” шиг байх нь МАН-ын үүрэг. Тийм учраас хамтран зүтгэгчдийнхээ нас, намбаас гадна тэр хүний ажил, амьдралын туршлагыг хүндэтгэж, тэндээс суралцаж явахыг залуустаа хэлье. Энэ гурван зарчим бол МАН-аас 2020 оны УИХ-ын сонгуульд нэр дэвшигчдэд тавих үндсэн шалгуур. МАН-д өнөөдөр бүлэглэл, талцал байхгүй гэдгийг би албан ёсоор энэ индэр дээрээс хэлье. Бид үзэл бодол, ажил хэрэг, арга барил дээрээ маргаж, зөрчилдөж, бас хариуцлага тооцож чаддаг дотоод ардчилалтай нам. Гэхдээ МАН хэзээ ч улсаа нураах, намаа тараах хэмжээнд зөрчилддөггүй бөгөөд том эрх ашиг дээрээ нэгдэж чаддаг нам. Бидний энэ эрхэм чанарыг Монголын ард түмэн ч мэднэ.

Төрийн сонгуульд хуулийн хугацаандаа шударга болно гэдэгт итгэлтэй байна. МАН ч амжилттай оролцох ёстой. Амжилттай оролцох нь ганц МАН-ын зорилго биш, Улаанбаатарыг утааг эрс бууруулж байгаа ажлаа гүйцээх, бензинийн үйлдвэрээ ашиглалтад оруулах, хоёр хөрштэйгөө тохирсоны дагуу хийн хоолойг Монголоор дайруулах ажлаа дуусгах, 2016 онд дампуурах дөхсөн эдийн засгаа босгож ирсэн өнөөдрийн амжилтаа ахиулах гээд ард түмний захиас, хүлээлт юм.

Эцэст нь, төрийн сонгуульд намууд оролцоно. Намын ажил тусдаа, Засгийн газрын ажил тусдаа явна гэдгийг хэлье. Засгийн газрын хувьд өнөөдөр дэлхийн нийтийн цар тахал болсон коронавирусийн халдвараас нэгд иргэдээ, хоёрт эдийн засгаа аль болох боломжит хувилбараар хамгаалж үлдэх л гол ажил болж байна. Засгийн газар, Улсын онцгой комисс бүх төвшинд, боломжит бүх арга хэмжээг авч хэрэгжүүлж байгааг хэлье. Зарим нам, хувь улстөрчийн зүгээс гадаадад байгаа монгол иргэдээ авчирсныг буруутгаж, "өвчин авчирлаа” гэж мэдэгдсэн. Засгийн газар ийм улс төрөөс айхгүй, хэрэгжүүлж байгаа бодлогоо зогсоохгүй ээ. Хүнд хэцүү байтугай энх цагт монгол морь хүртэл эх нутгаа гэдэг юм. Тийм учраас эх орноо гэж байгаа монгол хүн бүрээ эх оронд нь авчрахын төлөө Засгийн газар ажиллах болно гэжээ. 

Мэдээлэл


Хэрэглэгчийн оруулсан сэтгэгдэлд манай сайт хариуцлага хүлээхгүй болно.
7
  • zochin 2020 оны 03 сарын 25 [103.229.120.246]

    Zuv hugatsaandaa boloh heregtei

  • Х 2020 оны 03 сарын 26 [202.21.109.35]

    Амьдралын туршлагтай гэхээрээ нөгөө улаан мэнгэт мэтийн хэдэн өвөгчүүлээ дахин сонгох юм бна л даа

  • Хурд Отгоо 2020 оны 03 сарын 26 [122.201.21.200]

    Жинхэнэ хэлждээ Монгол эр хүн Монгол -Монголоо хайрлана аварна ,Монголыг хэн ч өөрчлөхгүй

  • Иргэн бн 2020 оны 03 сарын 26 [122.201.31.138]

    Хүрэлсүх элбэгээ баяр Баданжунай ах нарыг шоронд шаачих тий овоо гар юм бол чадахгүй байж том бүү шаа зохихгүй бн

  • Зочин 2020 оны 03 сарын 26 [122.201.31.138]

    БАЛАЙ ПИЗДА ХҮРЭЛСҮХ ШҮҮ

    зочин 2020 оны 03 сарын 26 [202.21.109.37]

    гадаад хараалаар зэвсэглэсэн коментчингууд моодноос гасан ш дээ

  • Jns 2020 оны 03 сарын 28 [103.26.194.213]

    Erunhiilygchuu Turiin nariin Bayarsaihan dendleee nagats duu B. Temuulengeee S.Erdeniin ber bolgonoo geed ymar ih nugel uildvee? Ymar ih Har PR tsatswaaa? Yamar ih shunal veee??

Copyright © 2018 paparatsi.mn Зохиогчийн эрх хуулиар хамгаалагдсан. Мэдээлэл хуулбарлах хориотой болно.