paparazzi.mn
Хүнгүй, хоосон Итали: Италийн найруулагч сэтгэл хөдөлгөм видео хийжээ
1
2020/03/24

Нулимс цийлгэнэнэ
 
Италийн найруулагч Оливье Астроло хүнгүй, хоосон Итали улсын гоо үзэсгэлэнг харуулсан богино хэмжээний бичлэг хийжээ. Жуулчид болон ард иргэдээр дүүрсэн байдаг Миланы Дуомо сүм, Ромын Колизей ба Венецийн Гэгээн Маркын талбай найруулагчийн бичлэгт ямар ч хүнгүй, хоосон байгаагаар гарна.

Бичлэгт Италийн жүжигчин Паоло Бульони дуу оруулсан байна. "Бид дэлхийн хамгийн үзэсгэлэнтэй оронд амьдардаг атлаа үүнийгээ төдийлөн сайн ойлгодоггүй. Гэтэл одоо улсын маань гудмууд хоосорч, бид гоо үзэсгэлэнг нь зөвхөн цонхоор л ажиглах боломжтой болсон энэ үед, анир чимээгүй нам гүм дунд бүх зүйл бүр ч гайхалтай мэт санагдана".

Бичлэгт мөн хурдхан гадаа гаран энэ үзэсгэлэнг мэдрэхийн тулд, бусдыгаа аврахын тулд гэртээ байх нь хичнээн чухал болохыг дурдана. "Энэ бүхэн дуусахад бид дэлхийн бусад хүмүүсийн атаархдаг тэр үзэсгэлэнт хөшөө, талбайнуудыг дахин дүүргэх болно. Тэдгээр гайхалтай газрууд бидний үнсэлтийн фон байсаар л байх болно. Бид тэр бүгдийг дахин сэргээх болно. Учир нь цонхны цаанаас харахад ч энэ бол дэлхийн хамгийн үзэсгэлэнтэй орон мөн юм".

Паоло энэхүү бичлэгийг гуравдугаар сарын 17-нд, Италийн Хаант улс байгуулагдсаны 159 жилийн ойн баяраар гаргажээ.

Мэдээлэл


Хэрэглэгчийн оруулсан сэтгэгдэлд манай сайт хариуцлага хүлээхгүй болно.
1
  • zonch 2020 оны 04 сарын 07 [202.9.46.153]

    Tordoin Ganbold ymarch mundag uls torch, setgegch, erdemten, ediin zasagch, xuulichdaas ilvv yrij bn ter bvv xel tom ulsiin udirdagchaas ald ilvv yrilaa lider gj iiml xvniig xeldeg bxdaa ENE XVNIIG BAGAARNI SONGOE

Copyright © 2018 paparatsi.mn Зохиогчийн эрх хуулиар хамгаалагдсан. Мэдээлэл хуулбарлах хориотой болно.