paparazzi.mn
Хүмүүсийг гэрт нь тусгаарлах аюултай гэдэг нь батлагдлаа: Нэг байшинд хамт байсан 4 хүн коронавирусээс болж амь насаа алджээ
1
2020/02/22

Хятад улсын холбогдох удирдлагууд хүмүүсийг гэрт нь тусгаарлах шийдвэртээ эргэлзэж эхэлжээ. Учир нь гэртээ тусгаарлагдаад байсан нэг гэр бүлийн 4 гишүүн COVID-19 буюу коронавирусээс болж амь насаа алдсан тохиолдол гарчээ. “Straits Times” эх сурвалжийн мэдээлж буйгаар, коронавирусын өвчтөнүүд ачааллаа дийлэхгүй байгаа эмнэлэг болон эмнэлгийн ажилтнуудад дарамт учруулалгүй гэртээ өөрсдийгөө тусгаарлана гэдгээ холбогдох газарт өмнө нь мэдэгдэж байв. Гэсэн хэдий ч гэртээ тусгаарлагдах нь гэр бүлийн гишүүдэд ахуйн эд хогшлоор дамжин вирусын халдвар авах, ноцтой халдварыг эмчилгээ хийлгүүлж чадалгүй авах өндөр эрсдэлтэй талаар Уханий Хуажон Шинжлэх Ухаан Технологийн Их сургуулийн профессор хэлсэн байна.

Энэ магадлал ч батлагдсан. Саяхан Уханьд амьдардан нэг гэр бүлийн 4 гишүүн шинэ коронавирусээс болж таалал төгсчээ. 55 настай Chang Kai өнгөрсөн баасан гаригт COVID-19 вирусээс таалал төгссөн бол, түүний өмнө эцэг эх нь мөн уг вирусын халдвараас болж таалал төгсөөд байсан юм. Түүний аавд анх вирусын шинж тэмдэг нэгдүгээр сарын 25-ны өдөр илэрчээ. Тэр аавыгаа дагуулаад Уханий цөөн хэдэн эмнэлгүүдээр явсан ч, орны хомсдолд орсон учраас хүлээж авч чадаагүй гэнэ. Харин 3 өдрийн дараа аав нь бурхан болжээ. Удалгүй ээж нь хоёрдугаар сарын 2-ны өдөр мөн уг вирусээс болж бурхан болсон байна.

Уханий удирдлагууд гэрийн хорио цээрийг болиулж байгаагаа зарласан бөгөөд өвчтөнүүдийг вирус илэрсэн, сэжигтэй шинж тэмдэг ажиглагдсан, халуурсан болон коронавирусын халдвар авсан өвчтөнтэй контакт үүсгэсэн ч, вирус илрээгүй гэх мэтээр ялгаж, хуваарилж байгаа юм байна. Эдгээр өвчтөнүүдэд тохирох эмчилгээг цаг алдалгүй хийхээр ажиллаж байгаа аж.

Гэсэн хэдий ч хорио цээрийг өөрчилсөн энэ шийдвэр Chang-ийн гэр бүлийн хувьд хэтэрхий хожимджээ. Тэр вирусын халдварыг аав ээжээсээ авсан нь тодорхой болов. Хоёрдугаар сарын 14-ний өдөр Chang том эгчдээ вирусын халдвар тарааж, өөрөө таалал төгссөн байна. Эгч нь төд удалгүй хугацааны дараа мөн бурхан болжээ
Chang-ийн эхнэр мөн вирусын халдвар авсан бөгөөд одоо маш хүнд хэцүү байдалтай байгаа гэнэ. Энэ гэр бүлийн түүх Уханий удирдлагуудын гаргасан шийдвэр ямар хор хөнөөлтэй болохыг харуулсан гэж хэлэхэд буруудахгүй. Хэдий тийм боловч, энэ хорио цээрийг олон нийтийн эрүүл мэндийн төлөө хийсэн нь ойлгомжтой биз ээ.

Мэдээлэл


Хэрэглэгчийн оруулсан сэтгэгдэлд манай сайт хариуцлага хүлээхгүй болно.
1
  • xx 2020 оны 02 сарын 25 [93.103.237.194]

Copyright © 2018 paparatsi.mn Зохиогчийн эрх хуулиар хамгаалагдсан. Мэдээлэл хуулбарлах хориотой болно.