paparazzi.mn
ЭМЯ: Covid-19-ийн нууц үе нь дунджаар 5-6 өдөр гэж тогтоогдсон
1
2020/02/17


Шинэ төрлийн коронавирусийн цаг үеийн асуудлаар Эрүүл мэндийн яам өнөөдөр /2020.02.17/ мэдээлэл хийлээ.

2020 оны хоёрдугаар сарын 17-ны 10.00 цагийн байдлаар шинэ төрлийн коронавирусийн халдварын тохиолдлын тоо 71 мянга 269, эдгэрсэн 10 мянга 773, нас баралт 1773 байна. Өнөөдрийн байдлаар Монгол Улсад халдварын тохиолдол бүртгэгдээгүй байна.

НЭМГ-ын дарга Л.Төмөрбаатар: “Коронавирусийн халдвараас урьдчилан сэргийлэх чиглэлээр нийслэлийн Засаг даргын холбогдох шийдвэрийн дагуу, ажиллаж байна. Халдварын үед нөөцийг бүрдүүлэх, ариутгалын бодисыг нөөцлөх үйл ажиллагааг зохион байгуулж байна. Мөн халдвараас урьдчилан сэргийлэх мэдээллийг үйлчилгээний газрууд болон нийтийн тээвэр, авто замын постуудад тавьсан. Нийтийн тээвэр үйлчилгээ эрхэлдэг газруудад хяналт тавин ажиллаж байна" гэсэн юм.

ДЭМБ-ын мэргэжилтэн О.Ариунтуяа “2020 оны хоёрдугаар сарын 17-ны өдрийн 10.00 цагийн байдлаар нийт тохиолдлын тоо 71 мянга 269, нас баралт 1773 байна. Хоёрдугаар сарын 13-наас эхлэн эмнэлзүйн шинж тэмдгээр батлагдсан тохиолдлыг давхар бүртгэж эхэлсэн. Ингэснээр өвчтөнүүд лабораторийн шинжилгээний хариуг хүлээлгүйгээр томограф ба эмнэлзүйн шинж тэмдгээсээ хамааран эмчилгээг түргэн эхлүүлэх боломжтой болоод байна. Агаар дуслын зам нь эмнэлгийн ажилтнууд болон өвчтөний ар гэрийнхэнд шинэ коронавирус халдварлах гол зам хэвээр байгаа. Найман судлаачийн хийсэн судалгаагаар Covid-19-ийн нууц үе нь 1-12.5 хоног буюу дунджаар 5-6 өдөр гэж тогтоогдсон” гэлээ.

Мэдээлэл


Хэрэглэгчийн оруулсан сэтгэгдэлд манай сайт хариуцлага хүлээхгүй болно.
1
  • cc 2020 оны 02 сарын 17 [93.103.237.194]

Copyright © 2018 paparatsi.mn Зохиогчийн эрх хуулиар хамгаалагдсан. Мэдээлэл хуулбарлах хориотой болно.