Булай болгосон улстөрчид

Солонгост ажиллаж, амьдарч, сурч буй монголчууд ёстой дээшээ тэнгэр хол, доошоо газар хатуу гээч болж байгаа аж. 
Муу үг модон улаатай гэгчээр Сэлэнгэ аймгийн Мандал сумын орлогч Л.Мөнхбат хүчингийн хэргээр БНСУ-д саатуулагдсан тухай мэдээлэл хаа сайгүй цацагдлаа. Тухайн улсын олон нийтийн мэдээллийн хэрэгслээр БНСУ-ын Чэжү аралд болсон хоёр улсын Соёлын солилцооны арга хэмжээнд оролцсон Л.Мөнхбат орчуулагчаар ажиллаж байсан 20 настай Монгол охиныг хүчирхийлсэн хэргээр тус улсын цагдаагийн газарт саатуулагдсан юм байна.
Нэгэнт ийм мэдээ түгэхээр эхлээд Л.Мөнхбат биш Монгол Улс гэдэг нэр гарлаа. Энэ утгаараа монголчуудыг үнэлэх үнэлэмж хэд дахин доошилдог. 
Магадгүй бүр энэ жил солонгосчуудтай аялал жуулчлалын салбарт өргөн хүрээнд хамтран ажиллана гэсэн төлөвлөгөө бүтэлгүйтэж ч мэднэ. 
Л.Мөнхбат мэтийн хүмүүсийн гаднын улс руу томилолтоор явуулдаг эрх баригчдынх нь сонголтын дээр өмнөх гэмтэн дарга нараа эх орон нь толгойг нь илээд аваад ирдэгтэй нь ч холбоотой биз. 
Үүний өмнө 2019 онд Үндсэн хуулийн Цэцийн дарга Д.Одбаяр нислэгийн үеэр онгоцны үйлчлэгчийн өгзгөнд хүрсэн хэргээр хүний газар “дээлээ нөмөрчих” шахсан. 
Үүнээс бас хэдэн жилийн өмнө Орхон аймгийн удирдлагууд мөн л БНСУ-д аялаж явахдаа Засаг даргынхаа хамрыг тухайн үеийн “Эрдэнэт үйлдвэр”-ий Хуулийн хэлтсийн дарга Б.Мөнхжаргал цөм цохиод Монголдоо ирж байж асуудлаа эцэслэж байсан. 
Энэ мэтчилэн дотоодод байтугай гаднын улс оронд ч тэд эв эеэ хичээх байтгуй ичгэвэртэртэй үйлүүдээ ч нуухаа байчхаж. 
Одоо бүр хүний газар хурган дарга нар нь хэрэг үйлдэх байтугай гэмт хэрэгтнүүдээ Элчин сайдаар томилж явуулж байхад энэ монголчуудыг ер нь хэн үнэлж тоох болж байна вэ.